Rabba Qismat Mein Rona Kyun likha By Aayat Noor

وہ بے دم سی کارپٹ پر گری سسک رہی تھی.. تکلیف حد سے سوا تھی.. اس کی سسکیاں بیڈ پر دراز شاہزیب سکندر کے دماغ پر ہتھوڑوں کی
طرح برس رہی تھیں.. وہ اشتعال میں اٹھا.. نفرت بھری نگاہ اس کے وجود پر ڈالی اور ملحقہ سٹڈی کی طرف بڑھ
کر دروازہ مقفل کر لیا.. وہ تنہا رہ گئ.. اکیلی.. بالکل.. شادی کی اس پہلی رات.. رات گزر رہی تھی.. وہ رو رو کر تھک چکی تھی… اپنی قسمت پر… اپنے نصیب کے اس
کھیل پر…زمین پر دوپٹے سے بے نیاز بیٹھی اس لڑکی کی حالت قابل رحم تھی… دوپٹا
کچھ فاصلے پر نیچے گرا تھا… دوپٹا کھینچ کر اتارنے کی وجہ سے بال بکھر چکے
تھے… رو رو کر آنکھیں سوجی ہوئ تھیں… سرخ ڈورے سے تیر رہے تھے آنکھوں میں… میک اپ سارا خراب ہو چکا تھا… چہرے پر آنسوؤں کے نشانات
تھے… اسے دیکھ کر کون کہہ سکتا تھا کہ یہ پہلے دن کی دلہن ہے… دل پھٹ رہا تھا… گردن کے جلے ہوۓ ذخم اذیت دے رہے تھے… وہ
سر گھٹنوں میں دیئے ابھی بھی سسک رہی تھی… غم بہت بڑا تھا… برداشت کرنے کے لیے
صبر چاہئے تھا… اور صبر تو آہستہ أہستہ ہی آتا ہے نا…