Malal E Ishq By Arham Saleem

دعا کرو دبیسا”اس کے الفاظ سن کر دبیسا جھٹکے سے اس سے
دور ہوئی۔ “نہیں نہیں رابعہ کو کچھ نہیں ہوسکتا”وہ منہ میں ہی
ناجانے کیا کیا بڑبڑا رہی تھی۔ “نہیں اسے کچھ نہیں ہوسکتا کچھ بھی نہیں۔اریبہ اسے کچھ نہیں
ہوسکتا میں کیسے اتاروں گی اس کا بدلہ۔اتنا بڑا احسان کر دیا اس نے مجھ پر۔کاش وہ
گولی مجھے لگ جاتی۔رابعہ پلیز پلیز کچھ غلط مت کرنا۔میں برداشت نہیں کر پاؤں
گی۔رابعہ پلیز تمہیں ٹھیک ہونا ہوگا۔تم ٹھیک نہ ہوئی تو ہم سب ختم ہو جائیں
گے”دبیسا شدید روتے ہوئے بولی۔سیمل اور اریبہ نے آگے بڑھ کر اسے گلے لگا لیا۔
کچھ دیر بعد وہ دونوں پیچھے ہٹیں تو حفصہ چھوٹے چھوٹے قدم اٹھاتی اس کے طرف بڑھی۔وہ
دبیسا کی آنکھوں میں دیکھ رہی تھی۔دبیسا کو اس کی آنکھوں سے خوف آرہا تھا۔ حفصہ نے
اس کے سامنے بیٹھ کر اسکے آنسو صاف کیے اور اسے گلے لگا لیا۔سیمل اور اریبہ نے سکھ
کا سانس لیا کہ اس نے بھی کسی ردعمل کا اظہار کیا ہے۔ دبیسا ایک بار پھر سے رو دی
پر حفصہ کی آنکھیں ابھی بھی خشک تھیں۔وہ دبیسا سے الگ ہوتے ہوئے بولی۔ “اگر رابعہ کو کچھ بھی ہوا تو میں تمہیں کبھی معاف نہیں کروں
گی۔تم اس کا ہاتھ میرے ہاتھ سے چھین کر بھاگی تھی۔تمہیں اس کی حفاظت کرنی چاہیے
تھی”حفصہ کی آواز میں انتہا کا سرد پن تھا۔