Qandeel Se Hai Jeewan Mein Roshni By Nadia Fatima

ت…….. تمہاری ہمت کیسے ہوئی یہاں آنے کی اور اپنے آپ کو میری فیانسی بنانے کی؟”  رامین کی جگہ قندیل کو دیکھ کر حمزہ بھونچکا رہ گیا پھر انتہائی دقّت سے اپنے آپ کو بولنے پر آمادہ کیا…

“کیوں؟ یہاں آنے کے لیے ہمت کی کیا ضرورت ہے اور جہاں تک بات ہے آپ کی فیانسی بننے کی تو کچھ ہی عرصے میں ہماری شادی تو ہونے والی ہے ناں….” قندیل کندھے اچکا کر انتہائی اطمینان سے بولی اور اس کا یہ سکون حمزہ کو آگ لگا گیا….

“بھاڑ میں جاؤ تم اور تمہاری یہ گھٹیا پلاننگ’ کیا تم اس طرح کے اوچھے ہتھکنڈوں سے مجھے حاصل کر لو گی…”

حمزہ بُری طرح سلگ کر چلا کر بولا پھر معاً خیال آیا کہ وہ اس وقت اسپتال میں کھڑا ہے تو اپنی آواز نیچی کر کے مگر غرّا کر اس کے قریب آ کر بولا…

“میں تمہارا گلا دبا دوں گا بےشرم لڑکی! تمہیں اپنی عزت کا پاس ہے نا خیال.. مگر میں تمہاری یہ بےغیرتی افورڈ نہیں کر سکتا.. تمہاری خیریت اسی میں ہے کہ تم چپ چاپ اپنی منحوس صورت لے جاؤ اور دوبارہ بھول کر بھی میری زندگی میں دخل اندازی کرنے کی کوشش مت کرنا…”