Tere Bin Roye Naina Novel Complete By Zoya Majeed

حزیمہ وہ ایسی ویسی لڑکی نہیں ہے۔”
اسے خاموش دیکھ کر وہ مزید بولا تھا۔ “کچھ کہا میں نے؟” سینے پر بازو باندھتے ہوئے غیر جذباتی لہجے میں ابرو اچکا کر
حزیمہ نے اسے دیکھا۔ “تمہاری آنکھوں میں جیلسی۔۔۔”
وہ کچھ کہنے لگا تھا جب حزیمہ نے ہاتھ اٹھا کر
اسے خاموش رہنے کو کہا تھا۔ “میری آنکھیں انتہائی فضول چیز ہیں، ان پر مت جائیے گا۔” وہ زور سے الماری کا پٹ بند کرتی وہاں سے جانے لگی تھی، جب
رمیز نے سرعت سے اس کا بازو تھام کر اپنی جانب کھینچا تھا۔ وہ اس کے سینے سے آن
لگی تھی۔ “چھوڑیں مجھے سو کام ہیں۔”
وہ اس کی گرفت سے نکلنے کی کوشش کرتے ہوئے بولی
تھی۔ “تمہارے آنے سے پہلے کوئی اس دل کے دروازے تک نہیں آیا تھا اور
اب اس گھر کی مکین آ چکی ہے تو دروازہ کسی اور کے لیے کبھی نہیں کھلے گا، یہ وعدہ
ہے۔” وہ بنا کہے ہی اس کے شکوے دور کر رہا تھا۔ “رمیز مجھے اس کا آپ کی ساتھ یوں چپکنا بالکل نہیں پسند، اگر
آپ نے نہیں منع کیا تو میں خود کرو گی مگر مزید یہ برداشت نہیں کروں گی۔” وہ اس کی آنکھوں میں دیکھتے ہوئے بولی استحقاق سے بولی تھی،
وہ بھرپور مسکرایا تھا۔ “یقین مانو بہت خوشی ہو رہی ہے تمہیں یوں اپنے لیے پوزیسسو
دیکھ کر۔” وہ اس کے چہرے پر ہاتھ رکھ کر محبت سے بولا تھا۔ “میں آتی ہوں۔” وہ نظریں چرا کر وہاں سے جانے لگی تو رمیز آگے آیا۔ اس نے
ابرو آچکا کر دیکھا۔ “مجھ پر یقین رکھنا کہ تمہارا شوہر صرف تمہارا ہے، میرے سامنے
کروڑوں پیاری لڑکیاں بھی آ جائیں تو بھی دل صرف تمہارے لیے دھڑکے گا۔” محبت بھرے انداز میں سرگوشی کی تھی تو حزیمہ کے لبوں پر
مسکراہٹ بکھری تھی۔ چہرے پر ہزاروں رگ بکھرے تھے۔