“وہ سامنے والا تمہارا کمرہ ہے۔”
وہ ہاتھ سے اشارہ کرتا ہوا بولا۔ “کیا مطلب میرا کمرہ الگ ہوگا؟”
وہ قدرے حیران ہوئی۔ “ظاہر سی بات ہے تمہیں اپنے کمرے میں تو رکھنے سے رہا میں۔” وہ بل کھاتا ہوا بولا۔ “بیوی ہوں تمہاری۔ وہاں کیوں رہوں گی میں؟” وہ متعجب سی بولی۔ “زبردستی مسلط کی گئی ہو مجھ پر۔ بیوی ہو, اس کے ساتھ ساتھ یہ
بھی یاد رکھو۔” اس کا انداز جتانے والا تھا۔ “تو منع کر دیتے اگر اتنی بری لگتی تھی تمہیں میں۔” اسے اب غصہ آنے لگا تھا۔ “میں تو مجبور تھا تم انکار کر دیتی۔”
وہ دانت پیستا ہوا بولا۔ “مہ؟ میں کیسے؟ ” وہ بوکھلا کر اسے دیکھنے لگی۔ “اسی منہ سے جس سے اب یہاں کھڑی بحث کر رہی ہو۔” اس نے گھورا۔ “مگر آنٹی کو علم ہو گیا تو پھر؟”
وہ جانے پر تیار نہ تھی۔ “آنٹی اوپر نہیں آئیں گیں۔ ہم دونوں کے علاوہ اور کوئی یہاں ہے
نہیں۔ اور تم انہیں بتاؤ گی نہیں تو کیسے علم ہوگا انہیں؟”
وہ سینے پر ہاتھ باندھتا پوچھنے لگا۔ وہ لب
کاٹتی مناسب جواب تلاشنے لگی۔ “اب مزید مجھے تنگ مت کرو اور جاؤ یہاں سے۔” وہ اکتاہٹ بھرے لہجے میں کہتا پلٹ گیا۔ “عجیب ہو تم بھی۔ شادی کرتے ہی نہ پھر اگر بیوی نہیں چائیے
تھی۔” وہ منہ میں بڑبڑاتی راہدادی میں چل دی۔