شادی
کے تیسرے  ہی دن بعد ،  جب لڑکی ، سسرال سے گھر واپس آ جائے تو دنیا
والے   جو حال کرتے ہیں ،  تو پھر وہی کیا انہوں نے ۔۔۔۔

جس
کی جتنی عقل سوجھ بوجھ تھی اس نے اتنی ہی باتیں کیں

اب جب نکاح  ہوا ہی نہیں تو خلع لینے
کی نوبت بھی  نہیں بنتی تھی ۔۔۔۔مسز گیلانی
تو ایسی روپوش ہو گئی کہ آج تک اس کا ٹھکانہ نہیں مل سکا اور اس بات کو پورے آٹھ
برس بیت گئے ۔۔۔

ان آٹھ سالوں میں پیاری لڑکی نے جو کچھ جھیلا یہ اللہ کی ذات ہی جانتی ہے
۔۔۔۔وہ خود کو ناپاک سمجھنے لگی تھی ۔۔۔ذہنی مریضہ بن گئی ، دنیا سے تعلق ختم ہو
چکا تھا اس کا ۔۔رات رات بھر سجدوں میں گری رہتی ، اللہ سے معافی مانگتی ، ایسے
گمان ہونے لگا تھا کہ وہ پاگل ہو گئی ہے جیسے ۔۔۔۔ ۔۔۔

ویسے ممانی جان ، ایسا ہوا کیوں ان لوگوں کے ساتھ ۔۔۔میں نے دکھی ہوتے ہوئے
پوچھا ۔۔۔۔

بس بیٹا ، غرور وتکبر بہت بڑھ گیا تھا ان لوگوں میں ، اچھا گھر ، دولت کی ریل
پیل بچے اعلیٰ تعلیم یافتہ تھے تو یہ نشہ انکے سر پر چڑھ گیا تھا ۔۔۔ سننے کے آیا
تھا کہ پیاری لڑکی کا رشتہ خاندان میں سے بھی آیا تھا جسے انہوں نے غریب کہہ کر
ٹھکرا دیا تھا ۔۔۔

آٹھ برس سے یہ خاندان اللہ سے معافی مانگنے میں جھکا ہوا تھا ۔۔۔۔

پھر ایک شام میں نے سنا پیاری لڑکی نے ایک کمپنی میں جاب کر لی ۔۔مجھے بہت
خوشی ہوئی کہ وہ آٹھ سال بعد گھر سے باہر نکلی ۔۔۔۔اسی دوران بھائی صاحب نے  طیب کا رشتہ ڈھونڈھنے کو کہا ۔۔۔۔۔ میرے نزدیک
پیاری لڑکی سے بڑھ کر کوئی نہیں تھی ۔۔
۔۔وہ اللہ کے بہت قریب ترین پہنچ چکی تھی۔۔۔ ۔اور طیب کو بھی کوئی اعتراض
نہیں تھا ۔۔۔۔ بلکہ تم ایسا سمجھ لو ۔۔۔۔ اِدھر پیاری لڑکی کی آٹھ سال کی عبادت
معافی اللہ نے قبول فرمائی اور ادھر طیب کی راہ بدل کر پیاری لڑکی کا نگہبان مقرر
کر دیا ۔۔۔۔

اللہ
تیرا شکر ۔۔۔تو جو چاہے کر سکتا ہے ۔۔۔۔تیرے کنٹرول میں یہ کل کائنات ہے ۔۔۔تو نے
ہی سب کا نظام سنبھال رکھا ہے ۔۔۔۔۔۔۔۔۔