میں نے اس کی بات مان کر تم سے نکاح کی ہامی
بھر لی۔”ہارون گہرا سانس لے کر پھر سے بولنے لگا۔”میرا پاکستان
آنا۔۔۔۔۔تمہاری رقم بینک میں جمع نہ کرانا۔۔۔۔

تم سے ملاقات کے لئیے فوری مان
جانا۔۔۔۔۔۔۔تمہیں مسئلے کا ایسا حل دینا۔۔۔۔۔۔۔اور خود اپنے آپ کو نکاح کے لئیے پیش
کرنا۔۔۔۔۔سب پلان کا حصہ تھا۔لیکن۔۔۔۔۔۔”ہارون بولتے بولتے یک دم چپ ہوا۔حلق
میں کچھ اٹکتا ہوا محسوس ہوا تھا۔یوں جیسے ضبط کا بندھن ٹوٹ نہ جاۓ۔

سویرا جو سانس روکے اسے سن اور دیکھ رہی تھی۔اس
کی بات ادھوری چھوڑ دینے پر بے تاب سی ہوئی تھی۔

سویرا کی نظروں نے ہارون کی آنکھوں میں
ابھرتے پانی کو اپنی نگاہوں میں محسوس کیا۔

“لیکن۔۔۔۔۔۔۔۔۔تم سے محبت کرنا پلان
کا حصہ نہیں تھا۔”ہارون کے لہجے کے کرب نے سویرا کو بے قرار کیا
تھا۔”تمہیں اپنی زندگی میں شامل کرنا بھی پلان کا حصہ نہیں تھا۔”

ہارون کی آنکھوں میں تیرتے پانی میں سویرا
کو اس کی محبت کا عکس نظر آیا تھا۔

سویرا کا ذہن خاموش تھا۔

اور دل جیسے اس کے سچا ہونے کی گواہی دے
رہا تھا۔اس کی محبت کو حقیقت مان رہا تھا۔چند پل وہ دونوں یونہی کھڑے رہے۔ایک
دوسروں کی نگاہوں کو کھوجتے۔

پھر سویرا نے ہاتھ بڑھا کر اپنی انگلی کی
پور سے ہارون کی آنکھ سے چھلکتے آنسو کو روکا تھا۔ “مجھے آپ کی سچائی پر یقین
آگیا ہارون۔۔۔۔۔۔”سویرا آنکھوں میں نمی لیئے محبت سے بولی۔اور ہارون نے اپنی
گال پر  رکھے اُس کے ہاتھ پر اپنا ہاتھ نرمی
سے رکھ دیا۔جیسے بہت سا بوجھ اُس کے کندھوں سے اتر گیا تھا۔

اسے شاید بہت پہلے سویرا کو اس سچائی سے
آگاہ کر دینا چاہئیے تھا۔کم از کم وہ اس جذباتی تکلیف سے نہ گزرتی۔سویرا کو سچائی
سے آگاہ کرکے وہ مطمئن ہو چکا تھا۔اب شجاع اسے سویرا کے نام پر بلیک میل نہیں کر
سکتا۔

• Download in pdf form and online reading.
• Click on the link given below to Free download 299 Pages Pdf
• It’s Free Download Link