Dard e Zindagi By Mariyum Yousaf

پتہ
ہے عالیار میں نے سوچا تھا کہ برہان کے بعد کبھی کسی کو اپنی زندگی میں شامل نہیں
ہونے دوں گی،

ہمارے
نکاح کے بعد اور جب آپ نے ضد کی اور مجھے یہاں لے آئے، مجھے اچھا نہیں لگتا تھا،
مگر وقت کے ساتھ جب  میں نے آپ کو دیکھا،
سمجھا  تو میرے دل میں آپ کی عزت اور بڑھ
گئی اور کب دل میں آپ کے لیے میرے جزبات بدلے مجھے علم نہیں ہوا،

اور
جب معلوم ہوا تب زندگی نے مجھے ایک اور مقام پر لا کر کھڑا کر دیا تھا،

 کتنے حادثے ہوئے، مگر دیکھے
اللہ تعالی نے جو لکھا ہوا تھا وہ ہو کر ہی رہا، ہم زمین والے کتنے ہی جتن کیوں نہ
کر لے کسی چیز کو حاصل کرنے کے لیے مگر وہ اگر ہماری نہ  ہو تو ہماری لاکھ کوششوں کے باوجود بھی ہماری
نہیں ہوتی،

اور
وہ چیز، وہ تعلق جو ہمارے لیے بہتر ہوتا ہے، ہمیں اندازہ بھی نہیں ہوتا، اللہ تعالیٰ
ہمیں ان میں باندھ کر یہ رشتے دے کر بتاتے ہیں، کہ وہ ہمیں کس قدر بہتر سے نوازتے
ہیں،

میں
بھی خوش ہوں عالیار، بہت خوش ہوں، عالیار نے اس کا ہاتھ تھام لیا تھا، اندھیرا پھیل
چکا تھا، وہ اب دریا کے کنارے چلنے لگے تھے، ایک نئی زندگی، نئی خوشیوں کے ساتھ ان
کی منتظر تھی،

بعض
اوقات زندگی کے کالے سائے صرف ایک روشنی کے منتظر ہوتے ہیں، وہ روشنی جیسے ہی زندگی
کے بھنور میں داخل ہوتی ہے تو زندگی اجالوں سے بھر جاتی ہے،

سارے
سائے ہوا ہو جاتے ہیں زندگی سے  غم کے بادل
چھٹ جاتے ہیں،

پھر
ہم ایک آزاد پرندے کی طرح اپنے پر کھولے ہوا میں اڑنے لگتے ہیں، ہوا تیز بھی ہو تو
خود کو اس کے حوالے کیے بے خوف آسمان میں اونچائی کو سر کرنے کی جستجو لیے ہوا میں
گھومتے ہوئے خود کو پا لیتے ہیں،

خود
کے مقصد سے روشناس ہو جاتے ہیں، اور پھر زندگی بہت ہلکی  ہو جاتی ہے،

سبھی
درد اپنی شدت لیے ہوا ہو جاتے ہیں، جو بھی زخم دل پر لگے ہوتے ہیں وہ دھلتے ہیں تو
دل ایسے صاف ہو جاتا ہے جیسے اس پر کبھی
داغ ہی  نہیں لگا،

زندگی
بہت سے تلخ تجربات کا حصہ ہیں، بلکہ اکثریت انہی لوگوں سے بھری پڑی ہے، خود کو
حالات کے حوالے کر کے زندگی سے کٹ کر نہیں گزرتی، دنیا کے ساتھ چلنا پڑتا ہے خالص
زندگی، کبھی کسی کو نہیں ملتی،

کوئی
غم کو برداشت کرتا اس دنیا کو خیر آباد کہتا ہے تو کوئی خوشی کو دل میں لیے، اس دنیا
سے چلا جاتا ہے،

زندگی
کوئی ڈرامہ تو ہے نہیں جو چند اقساط کے بعد اختتام پذیر ہو جائے گا جس میں انجام
اچھا ہوتا ہے،

کوئی
بھی زندگی ہیپی اینڈڈ نہیں ہوتی، زندگی ختم ہو جاتی ہے، کسی کی اچھی اور کسی کی بری،
زندگی ایک بار ہی ملتی ہے، اس کی قدر کریں، اس کو اچھے طریقے اور دین کے مطابق
گزارنا ہی، اس کی خالصیت ہے،

دردِ
زندگی کو محسوس کرے مگر صبر کے ساتھ، یہ درد تو زندگی کا حصہ ہوتے ہیں.