Tamshaye Muhabbat By Mahi Rajpoot

پارٹی
اپنے عروج پر تھی. ہر طرف خوشی کا سماں تھا۔ وہ وہاں مجبوراً رکا تھا اُسے جلد از
جلد وہاں سے واپس جانا تھا۔آج اس کی ملائشیا کے لئے فلائٹ تھی۔ اس نے عہد کیا
کہ  اب کبھی پاکستان نہیں آئے گا ۔

وہ
ابھی انہی سوچوں میں غلطاں تھا جب بلڈ ریڈ فیری سٹائل پاؤں کو چھوتی میکسی زیب تن
کیے، کانوں میں جھمکے پہنے، گردن میں ایک خوبصورت گولڈ کی  چین  جس
کا لاکٹ ڈائمنڈ کا بنا تھا، لمبے بھورے بال اور گہری نیلی آنکھوں والی وہ حسینہ اس
کے پیچھے آکر کھڑی ہوئی۔۔

“بہت خوبصورت لگ رہی ہو بے بی ڈول_ مگر
تمہارے چہرے پر یہ اداسی اچھی نہیں لگ رہی”_وہ جو ایک تاریک کونے میں کھڑا
سگریٹ پھونک رہا تھا  اسے دیکھے بغیر
بولا۔۔

وہ
حیرانی سے اسے دیکھنے لگی۔

وہ
شاید دنیا کا واحد شخص تھا جو اسے بنا دیکھے اس کی ہر کیفیت سے واقف تھا__

“اگر میں خوبصورت ہوں تو تم مجھ سے شادی
کیوں نہیں کرتے”۔ اس نے آگے بڑھ کر اسے اس کے گریبان سے پکڑ کر سوال کیا۔۔

 نیلی
آنکھیں، گہری سیاہ آنکھوں سے ٹکرائی اور کتنے ہی پل وہ ایک اس کی آنکھوں میں گم دنیا
جہاں سے بے خبر دیکھتی رہی ۔ اس کی گہری سیاہ آنکھوں کے سحر نے  سامنے کھڑی اس نازک لڑکی کے دل کی دنیا تہ و
بالا کر رکھی تھی۔ وہ دیوانی تھی تیمور ولی خان کی سحرانگیز آنکھوں کی۔ جب اس کی
گھمبیر آواز اس کے کانوں سے ٹکرائی_

“تم بہت خوبصورت ہو انائیتہ شاہ  اور بہت اچھی بھی ہو مگر مجھے تیمور ولی خان
کو  تم سے محبت نہیں ہے”

انائیتہ
کے دل میں درد کی ایک ٹیس سی اٹھی۔۔ آنسو اس کی آنکھوں سے بہنا شروع ہو گئے__

اس
نے اپنے دونوں ہاتھ اس کے سامنے جوڑے اور اس کے قدموں میں گر گئی۔

“مجھ سے یہ مت کہو کہ تم مجھ سے محبت نہیں
کرتے مجھے بہت تکلیف ہوتی ہے تیمور۔۔تم  2
سال سے میرے ساتھ تھے تمہیں محبت نے ہی تو میرے ساتھ باندھے رکھا تھا تیمور __انائیتہ
کی بات سُن کر تیمور کے ہونٹوں پر ایک تلخ مسکراہٹ نمودار ہوئی۔

میں
دو سال سے تمہیں اپنی اچھی دوست سمجھ کر تمہارے ساتھ رہا۔ میں نے کبھی تم سے اظہار
محبت نہیں کیا. انائیتہ شاہ مجھے تم سے ہمدردی ہوسکتی ہے مگر محبت کبھی بھی نہیں
ہوسکتی مائنڈ اٹ

انائیتہ  اس کے قدموں میں گری محبت کی بھیک مانگ رہی   تھی انائیتہ
کے آنسو اس کے دل پر گر رہے تھے مگر وہ بے حس ظالم شخص آج سفاکی کی انتہا
پر تھا۔

یہ
وفا کی راہ میں دیکھئے__

میری
آرزوؤں کی بندگی__

میں
کسی کے قدموں میں گر کے

بھی
نہ کسی کو اپنا بنا سکی

“تیمور خان اپنی بات دہرانے کا عادی نہیں
ہے آج سے تمہارے میرے راستے الگ” تیمور خان کے سرد لہجے پر انائیتہ شاہ نے
اسے سر اٹھا کر دیکھا

نہ
جانے ان نیلی آنکھوں میں ایسا کیا تھا کہ تیمور خان کی زہر اگلتی زبان خاموش ہوگئی۔

تیمور
خان کو اپنا دم گھٹتا محسوس ہوا تو وہ انائیتہ شاہ  کو اس کے حال پر چھوڑ کر چلا گیا۔

دل
بھی آباد ھے اِک شہرِ خموشاں کی طرح…

اب
یہاں  کوٸی
تماشا……….نہ تماشاٸی
ھے…