Tujhe Sang Lagi Na Chooty By Ayesha Zaheer

وہ کوریڈور میں جیسے ہی داخل ہوا ، سامنے وہ کلاس کے لڑکے کے
ساتھ کھڑی باتوں میں مصروف تھی ۔ اسے بے اختیار غصہ آیا ۔ مس عائشے آپ کلاس کے
باہر کھڑی کیا کررہی ہیں ؟ سر ! وہ میں وہ ، عائشے نے ناسمجھی سے زوار کی طرف
دیکھا جس کی گردن کی رگیں غصے سے تنی تھیں اور چہرہ ضبط کے مارے سرخ ہو رہا تھا ۔
اس نے سر زوار کو ہمیشہ پولائٹ دیکھا تھا مگر اس کا غصے والا روپ دیکھ کے وہ لرز
گئی ۔ کیا وہ میں ہاں ؟ جواب دیں وہ غصے سے بولا ۔ وہ ایکچولی سر میں سی آر سے
اسائنمنٹ کا پوچھ رہی تھی ۔ میں اور زینب دونوں ہی کل لیو پہ تھے ۔ وہ آہستہ سے
منمنائی ۔ آپ یہ مجھ سے بھی پوچھ سکتی تھیں مس عائشے ۔ یا میں نے ساری کلاس کو بتا
دیا تھا صرف آپ کو نہیں بتانا تھا ؟ وہ طنز کرتے ہوئے بولا ۔ اب یہ اسائنمنٹ آپ
نیکسٹ ویک کی بجائے کل ہی سبمٹ کروائیں گی ۔ وہ خود نہیں جانتا تھا اس کو اتنا غصہ
کس بات پہ آیا ہے ۔ چلیں آجائیں کلاس میں اور میں آئندہ آپ کو کسی لڑکے کے ساتھ
بات کرتے ہوئے نہ دیکھوں ۔ وہ سختی سے حکم صادر کرتا کلاس کی جانب بڑھ گیا ۔ پر
میں نے ایسا کیا کر دیا جو مجھ پہ اتنا برس رہے تھے ۔ اس نے صدمے سے سوچا ۔ مس اب
آپ کلاس میں آرہی ہیں یا میں آپ کو باہر آکر سپیشل لیکچر ڈیلیور کروں ؟ زوار کی
طنزیہ آواز اس کے کانوں سے ٹکرائی ۔ پتا نہیں سمجھتے کیا ہیں خود کو ۔ بڑے آئے ۔
ہنہہ ۔ کھڑوس ، سائیکو آدمی ۔ وہ غصے سے پیر پٹکتی کلاس کی جانب بڑھ دی ۔