Surat Ul Shaitan By Khan Zadi

آرمون وہ سب سن کر خوشی سے پھولے نہ سما رہا
تھا. “واہ سردار واہ…آپ نے تو سینہ چوڑا کر دیا ہے…” “ہاں آرمون…آئسکریم کی گلیوں میں گھومتی گاڑیوں سے لے کر
چھوٹے بچوں تک کو خاموش کرانے کے لئے ان کی مائیں نظمیں لگا کر دیتی ہیں. کال آئے تو
میوزک بجتا ہے…یہ لوگ چاروں طرف سے اس آگ میں گھرے ہوئے ہیں آرمون… چاروں طرف
سے….. ہا ہا ہا !!! اور میں قسم کھا کر کہتا ہوں کہ…. خدائے بلند و
برتر کی عزت و جلال کی قسم ! میں ان کو بہکاؤں گا. میں ان کی اولادوں کو بہکاؤں گا. ان کی رگوں
میں سردار ابلیس کی محبت ڈالوں گا. ان کے کانوں کو اس کی آواز کا عادی بناوں گا. جس جنت سے اس
کی وجہ سے میرے آقا کو نکالا گیا…میں ہرگز..ہرگز اس میں اسے واپس نہیں جانے دوں
گا. میں آدم کی اولاد کو منہ کے بل زمین پہ گراؤں گا. میں اسے
جہنم میں لے کر جاوں گا.” جارجیس بولتے بولتے ہانپنے لگا تھا. “وہ مشن..جسے
میرے آقا نے شروع کیا…میں اس کا چراغ بجھنے نہ دوں گا…شروع میں مجھے لگا تھا
کہ… میں نے سردار کو بولا بھی تھا یہ…
کہ ہم خدا سے دشمنی مول رہے ہیں. اور خدا سے تو
کوئی بھی نہیں جیت سکتا… پھر سردار نے مجھے اللہ کی وہ باتیں بتائیں…. اور بہکا لے
ان میں سے جس پر قدرت پائے اپنی آواز سے اور ان پر فوج چڑھا لا اپنے سواروں اور
اپنے پیادوں کا اور ان کا شریک بن جا مالوں اور بچوں میں اور انہیں وعدہ دے اور
شیطان انہیں وعدہ نہیں دیتا مگر فریب کا…
(الاسراء-64)