Keh Dhoop Chaon Ka Aalam Tha By Ayesha Aftab Ali

آپ شادی کی پہلی رات مجھ سے کہہ رہے ہیں کہ میں آپ کی زندگی
میں آنے والی پہلی لڑکی ہوں پر آخری نہیں …کوئی کرتا ہے ایسی بات …”اس نے
دونوں ہاتھ کمر پہ رکھے تھے … اوین کے دونوں ہاتھوں کے درمیاں میں سے اپنے ہاتھ نکال کے اسے
اپنے قریب کیا … “شادی کی پہلی رات اتنی باتیں کون کرتا ہے … ذرا یہ بھی تو
بتا دو …” دل کتنا بے قرار تھا ان لمحوں کے لئے
… “میں یہ بھی تو کہہ رہا ہوں کہ تم سے محبت ہے … د ل اور دماغ میں تم ہو
… پہلے میرا رمان تھیں اور اب میری جان ہو …” اس کی ناک پہ اپنی ناک رکھ کے آنکھیں بند کیں تھیں … کچھ پل خاموشی سے گزرے … ارحان کو لگا ماحول کچھ نشیلا ہونے
لگا ہے … “جو بات میں نے پوچھی تھی …
وہ تو بتائی نہیں …” اس کی وہی ٹون
کانوں سے ٹکرائی تووہ آنکھیں گھماتا پیچھے ہٹا تھا
… “تمہاری سوئی ابھی بھی وہیں اٹکی ہوئی ہے
…” اوین نے سر ہلا کے ہاں میں جواب دیا …اس نے اپنا سر اٹھا کے اس نے چھت
پہ لگے پنکھے کو دیکھا … “ابھی ابھی … بس ابھی ابھی … آپ کو چار انگلیوں کا سلیوٹ
مارا ہے نا … اور یہ کر رہے ہیں میرے ساتھ …” اوین نے ہنستے ہوئے
اسے پنکھے سے باتیں کرتے دیکھا … “کس سے باتیں کررہے ہیں …؟”
“دور کے تعلقات بہتر کرنے کی کوشش کر رہا ہوں … تا کہ قریب کے تعلقات استوار ہو سکیں …” پھر سرہانے سے
ٹیک لگا کے کمر کے نیچے تکیہ سیٹ کیا … ٹانگوں پہ کمبل ڈال
… وہ الجھی الجھی سامنے بیٹھی تھی … یہ سب آج
کہنا مناسب نہیں تھا … سوچا تھا کبھی آرام سے بات کرے گا
… پر اب کوئی چوائس نہیں تھی … وہ ایک دم سنجیدہ ہوا تھا
… “اوین میں ان مردوں میں سے نہیں ہوں جو شادی کی
پہلی رات اپنی بیوی کو قابو میں کرنے کی کوشش کرتے ہیں … تم میری زندگی کا حصہ
ہو … میری کوئی بات تم سے چھپی نہیں ہو گی
… پر کچھ باتیں تم کو سمجھنی ہوں گی … میں بار بار نہیں دہراؤں گا
… پہلی … میں ہر روز تم کو اپنی محبت کا یقین
نہیں دلا سکتا … نہ ہی ایک بات بار بار دھرا کر سکتا ہوں … ہاں پر
میرے ہر عمل سے تم کو لگے گا کہ تم سے پیار ہے … تم میر ی ذمہ داری ہو … تم زندگی میں ہر قدم پہ مجھے اپنے ساتھ پاؤ گی …” وہ
پلکیں جھپکائے بغیر سن رہی تھی … “دوسری … اصولاً تو مجھے یہ سب باتیں تمہیں نہیں بتانی چایئیں کیونکہ
کانفیڈینشل ہوتی ہیں … پر تمہاری غلط فہمی اتنی بڑھ گئی ہے تو میں بتا دیتا ہوں … پہلی اور آخری بار … آئندہ کوئی بات آفس کے حوالے سے مت پوچھنا … زندگی میں اگر
کبھی ایسا وقت آیا کہ مجھے تم میں سے یا اس ملک میں سے کسی کو چننا پڑا تو تم کبھی
بھی میری فرسٹ چوائس نہیں ہو گی … یہ بات ہمیشہ یاد رکھنا
… اور کبھی اس بات کا افسوس مت کرنا …” وہ
اتنا سیریس کبھی نہیں دکھا تھا …