Bas Ik Lamha By Ujala Naz

’ دیکھ کر نہیں چلا سکتے گاڑی ۔۔ میری سارے کپڑے خراب کر دیئے
‘‘ یہ جانتے ہو‏ۓ کہ غلطی
اس کی اپنی ہے وہ پھر بھی اپنا غصہ اس معصوم ڈرائیور پر نکالنے سے باز نہیں آیا ۔۔
’’ میں تو صحیح جارہا تھا ۔۔ آپ ہی نے اچانک کٹ لیا ‘‘ ’’ میں نے ؟ میری غلطی ہے ؟ ‘‘ جانے اسے اتنا غصہ کیوں آرہا تھا
۔۔ شاید ایک بار پھر نوکری ملنے میں ناکامی کی وجہ سے ۔۔ ’’ جی ۔۔ ‘‘ معصومیت سے کہتا ڈرائیور پلٹا ۔۔ ’’ یہی تو مسئلہ ہے تم گاڑی والوں کا ۔۔ سڑک پر بائیک چلاتے
انسان تو کیڑے مکوڑے لگتے ہیں تم کو ۔۔ جس کو دل چاہے مار دو اور کہو کہ اسکی غلطی
تھی ۔۔ ہم نے تو کچھ نہیں کیا ‘‘ وہ اب برسنے کو تیار تھا ۔ ’’ سر ۔۔ آپ بات کو بڑھا رہے ہیں ۔۔ ہمیں دیر ہورہی ہے اپنی
بائیک ہٹائیں پلیز ‘‘ ’’ تم سے زیادہ دیر مجھے ہورہی ہے ۔۔۔ انٹرویو دیناہے میں نے۔۔ بتاؤ
اب اس حالت اور اس فائیل کے ساتھ کیسے دونگا ۔۔ ہاں ؟ ‘‘
یہ اسکا مزاج نہیں تھا مگر نوکری میں باربار
ناکامی اسے چڑچڑا بنا رہی تھی ۔۔ ’’ اگر یہ نا بھی ہوا ہوتا تو اس مزاج، پرانی شرٹ پینٹ ، اور
ایسے بکھرے حلیے میں کسی نے تمہیں اپائینٹ کرنا بھی نہیں تھا ‘‘ ایک نسوانی آواز
پر اسکی نظر گاڑی سے نکلتی اس شخصیت پر پڑی ۔۔