Ishq Nasheen Novel Complete PDF By Esha Gull

“آپ نے ناشتہ نہیں کیا بارہ بج رہے ہیں آپ کچھ کھائیں گے نہیں
کیا”۔ رابیل نے اس کی فکر میں پوچھا مگر اس کے اتنا بولنے کی دیر تھی کہ جہاں
کڑے تیور لئے بیڈ سے اتر کر اس کے پاس آیا اور اسے وارن کرنے کے سے انداز میں
بولا۔ “تم میرے لئے صرف نام کی ہی بیوی ہو صرف کاغذی حد تک مگر نہیں
تم تو خود کو میری اصل بیوی سمجھنے لگ گئی زیادہ فکر مندی دکھانے کی ضرورت نہیں ہے
آئی سمجھ۔میرا جب جی چاہے کھاؤں اور جب جی چاہے بھوکا رہوں تمہیں میرے لئے جھوٹی
پرواہ دکھانی کی ضرورت نہیں ہے”۔ رابیل جواباً سر جھکائے لب بستہ کھڑی رہی۔ “ہاں بلکل ایسے ہی۔۔۔ایسے ہی رہا کرو اچھی لگتی ہو جب خاموش
رہتی ہو۔۔۔تو مس رابیل عمیر میرے سامنے ایسے ہی اپنی زبان کو بند رکھا کرو کیونکہ
مجھے فضول بولتی لڑکیاں ذرا اچھی نہیں لگتیں”۔ وہ اس پر اپنی پسند اور ناپسند
ظاہر کرتا واپس بیڈ پر بیٹھ گیا۔”اب کیا ایسے ہی بت بنی کھڑی رہو گی یا میری
یہ شرٹ بھی پریس کرو گی”۔ اس نے بیڈ پر پری شرٹ کی طرف اشارہ کیا۔ “ایسے کیا دیکھ رہی ہو اب سے میرا ہر کام تم ہی کرو گے یہ بات
ذہن میں بیٹھا لو”۔ اس نے کچھ حیرانگی سے دیکھتی رابیل سے کہا۔ وہ اس لئے
حیران تھی کہ جب وہ اسے اتنا ناپسند کرتا ہے تو پھر اس سے اپنے کام کیوں کروانا
چاہ رہا ہے مگر خیر اسے بھلا کیا اعتراض تھا جہان کے کام کرنے سے اس لئے شرٹ اٹھا
کر اسے پریس کرنے چلی گئی۔ جہان کے ہونٹوں پر فاتحانہ مسکراہٹ دور گئی۔ “کیا کہہ رہے تھے بابا کہ محترمہ ایک دو مہینے کسی کام کو ہاتھ
نہیں لگائیں گیں۔ہونہہ میں بھی دیکھتا ہوں کیسے سکون سے بیٹھتی ہے۔۔۔”۔ وہ حقارت
سے بڑبڑایا۔