Jis Zindagi Ko Chaha Tha Usi Zindagi Ne Mara Hai By Hoor Bano

کوئی ہے پلیز مدد کرو۔۔۔وہ ہاتھ ہلا ہلا کر چیخ رہی تھی ۔۔۔ پر
جب کسی کا تماشہ بنتا ہے تو وہاں موجود تماشائی صرف تالیاں بجاتے ہیں ۔وہاں موجود
لوگ بھی یہی کر رہے تھے۔۔۔۔۔ پھر اچانک وہاج نے شرٹ اتاری اور پول میں چھلانگ
لگائی اور زرناب کو بچایا۔۔۔۔ زرناب بے ہوش ہو چکی تھی۔۔۔۔وہاج نے چادر منگوائی
اور اٌس کے جسم پہ ڈالی۔۔۔۔ وہ اُسے اُٹھاۓ سب کے درمیان سے گزر رہا تھا۔۔آج پہلی
بار وہ زرناب کی وجہ سے کوارٹر میں گیا۔۔۔لائبہ بھی اُس کے ساتھ تھی ۔ وہاج نے
زرناب کے بے ہوش وجود کو چارپائی پہ لٹایا۔۔۔۔ پھر اٌس کے گَلے میں پڑی ہوئی چین
زرناب کے دوپٹے میں پھنس گئی ۔۔۔۔ وہاج نے کھینچ کر چین کو دوپٹے کی گرفت سے
نکالا۔۔۔اور وہاں سے چلا گیا۔۔۔ مام کم ان کیا ہو گیا ہے اگر میں نے اُس کی مدد کر
دی تو ۔۔مر جاتی تو میری امیج ہی خراب ہوتی سب کے سامنے۔۔۔پارٹی ختم ہونے کے بعد
آمنہ بیگم وہاج پر برہم ہو رہی تھیں ۔ ہاں تو مرنے دیتے ۔۔۔تمہیں کیوں اُس کی اتنی
فکر ہو رہی ہے ۔۔۔ ارے بھئی بس کرو ۔۔ٹھیک کہہ رہا ہے وہ اگر مر جاتی تو اسے ہی
ساری میڈیا کو جواب دینا پڑتا۔۔۔وجاہت صاحب اپنے بیٹے کے حق میں بولے۔۔۔ مام آپ
جانتی ہیں ایسی لڑکیاں میری زندگی میں کوئی معنی نہیں رکھتیں۔۔۔آپ ٹینشن کیوں لے
رہی ہیں ۔۔وہاج اپنی ماں کا ماتھا چومتا ہوا بولا۔۔۔ مجھے تم پہ تو یقین ہے پر
ایسی لڑکیوں پر بلکل نہیں ۔۔۔۔