Ishq E Jawidan By Noor E Arooj

کیا چاہتی ہو تم۔۔۔ لیلا کو دیکھتے ہی ولید نے سرد آواز میں
پوچھا تم اچھی طرح جانتے ہو کہ میں کیا چاہتی ہوں۔۔۔ اگر تم میری بات مان لو گے تو
میں یہ ویڈیو بھی ڈیلیٹ کر دوں گی۔۔۔ اور جو فائل تمہیں چاہیے وہ بھی لاکر دوں
گی۔۔۔ لیلا نے اپنا موبائل اس کے سامنے کیا مگر تم اپنے بھائی کو کیوں پھساو گی
صرف میری محبت میں تم ایسا نہیں کر سکتی۔۔۔ ولید ابھی بھی شک بھری نظروں سے اسے
دیکھ رہا تھا یہ تو تمہیں لگتا ہے نہ مگر میں سچ میں تم سے اتنی محبت کرتی ہوں
لیکن یہ سب کرنے کی ایک اور وجہ ہے اور وہ یہ کہ مجھے اپنے بھائی کے یہ سب غلط کام
نہیں پسند۔۔۔ میں تمہارے ساتھ ایک عام اور پرسکون زندگی گزارنا چاہتی ہوں۔۔۔ بولو
اگر میں تمہیں وہ فائل لا دوں تو کیا تم مجھ سے شادی کرو گے۔۔۔۔۔ اس کی بات سن کر
ولید کچھ لمحے کچھ بول ہی نہ سکا ایک طرف اس کی محبت تھی جس میں شرک موت کے برابر
تھا اور دوسری طرف اس کا ملک تھا جس کے لیے وہ ایک بار تو کیا بار بار موت کو گلے
لگا سکتا تھا۔۔۔ وہ زاور قریشی کو خود بھی پکڑ سکتا تھا مگر اگر وہ لیلا کو انکار
کرتا تو وہ وہ ویڈیو زاور قریشی کو دکھا دیتی جس سے وہ اپنے خلاف سارے ثبوت مٹا
دیتا اور اس کی سال بھر کی محنت مٹی میں مل جاتی اپنی موت کا اسے کوئی خوف نہیں
تھا مگر وہ زاور قریشی کو اور زندگیاں تباہ کرنے نہیں دے سکتا تھا۔۔۔ بس فیصلہ ہو
گیا تھا ایک بار پھر ملک کی محبت جیت گئی تھی مجھے منظور ہے۔۔۔ تم یہ ویڈیو ڈیلیٹ
کر کے مجھے زاور قریشی کے خلاف ثبوت لا دو میں تم سے شادی کے لیے تیار ہوں۔۔۔۔ ولید
نے لمبا سانس لیتے ہوئے آخر کار اپنی محبت کو اپنے ہاتھوں سے دفنا دیا تھا تم سچ
کہہ رہے ہو رونی تم مجھ سے شادی کرو گے۔۔۔ لیلا بے یقینی سے اسے دیکھ رہی تھی اسے
اس کی محبت اتنی آسانی سے مل جائے گی یہ اس نے کبھی نہیں سوچا تھا کل دوپہر 3 بجے
تم سارے ثبوت لے کر گاوں کے پرانے سکول میں آو گی جو بند ہوتا ہے۔۔۔ اور یہ ویڈیو
ابھی ڈیلیٹ کرو۔۔ اس نے اپنے سامنے ویڈیو ڈیلیٹ کروائی اور باہر کی طرف چل دیا
اس وقت اسے اکیلا رہنا تھا شاید اپنی ادھوری محبت کا سوگ منانے کے لیے۔