Humain Tum Se Muhabbat Hai By Nimra Siyaal

Novel : Humain Tum Se Muhabbat Hai 
Writer Name : Nimra Siyaal

میں اس بات سے انکار نہیں کرتا کہ میں زارا سے
محبت نہیں کرتا تھا ۔ لیکن اس بات سے بھی انکار نہیں کر سکتا کہ مجھے تم سے عشق ہو
گیا ہے ۔ زارا کو دیکھ کر اب میرا دل ویسے نہیں دھڑکتا جیسے پہلے دھڑکتا ہے لیکن
ہاں جب تم روتی ہو تو تمہارے آنسو میر ے دل میں تیر کی طرح چبھتے ہیں جب تم ہنستی
ہو تو لگتا ہے کہ پھولوں کی بارش ہو رہی ہے ۔۔۔۔۔۔جب تم ” ابھی وہ اُس سے
اظہار عشق کر ہی رہا تھا کہ وہ بولی اُٹھی ۔ ”
زارون بھائی مُجھے نیند آ رہی ہے ” شرم سے
سُرخ چہرہ لئے وہ اُٹھنے لگی کہ ایک بار پھر سے وہ اس کا ہاتھ پکڑ کر بیٹھا گیا ۔ ” کون بھائی ؟ ” زارون اُس کو آنکھ دکھاتے ہوئے بولا ۔ اور
وہ اُس کی بات پر چہرہ آسمان کی جانب کر کے چاند دیکھنے لگی کیونکہ اُسے اب احساس
ہو رہا تھا کہ وہ کیا بول گئی ہے ۔ ” ابھی تین گھنٹے پہلے جو نکاح ہوا تھا وہ کس کا تھا ؟ ”
زارون نے جان بوجھ کر یہ سوال کیا۔ ” ہمارا ” ہانی دھیرے سے بولی ۔ جس پر زارون کے لبوں پر
مسکراہٹ آئی۔ ” مہندی کا رنگ تو گہرا آیا ہے ” زارون اُس کے مہندی سے
بھرے ہاتھ دیکھ کر بولا ۔ لیکن اس بار وہ کُچھ نہیں بولی خاموش رہنا ہی بہتر لگا
اُسے نہیں تو پھر منھ سے کُچھ اُوٹ پٹانگ نکلتا جس پر اُسے شرمندگی ہوتی ۔ ” پھر بھی مجھ پر شک کرتی ہو ” اُس نے معنی خیزی سے اُسے
دیکھتے ہوئے کہا ۔ ” کیا مطلب ؟ ” دوسری جانب سے سوال فوراً سے آیا ۔ ”
کہتے ہیں کہ جن کا شوہر اُن سے زیادہ محبت کرتا
ہے اُن کی مہندی کا رنگ گہرا چڑھتا ہے ۔
” وہ اُس کی آنکھوں میں آنکھیں ڈالے محبت سے چور
لہجے میں بول رہا تھا ۔ اُس کے لہجے سے ہانی کے لئے محبت چھلک رہی تھی ۔ ” دونوں بھائی بہن پاگل ہیں ” دھیرے سے بڑبڑائی اور خود ہی
اپنی کہی بات پر ہنسنے لگی ۔ رات کے سنّاٹے میں اُس کی ہنسی ایک عجیب سا جادو
بکھیر رہی تھی ۔ زارون کی نظریں اُس کے چہرے کا طواف کر رہی تھیں ۔