Aik thi Mishal By Rukhsana Adnan

پھولوں
سے سجا بے حد خوبصورت کمرہ جس میں اس کی اور واثق کی تصویریں لگی تھیں شادی کی وہ
ان تصویروں کو دیکھتے ہوئے بہت کچھ یاد کر رہی تھی۔

پچھلی
بہت ساری چیزوں کو یاد کرتے ہوئے اسی کا دماغ تھکنے سا لگتا تھا وہ بہت کچھ بھول
جاتی۔

چیزیں
گڈ مڈ ہو جاتی تھیں وہ خالی خالی نظروں سے سب کو دیکھتی۔

 ’’میری جان کوئی جلدی نہیں
کچھ بھی یاد کرنے کی تمہاری پچھلی زندگی میں کیا ہوا تھا اچھا یا بُرا سب بھولی
جاؤ کچھ بھی یاد رکھنے کی ضرورت نہیں صرف یہ یاد رکھو اِس دنیا میں تمہیں سب سے زیادہ
چاہنے والا تمہارا شوہر ہے تم جو تین مہینے مزے کی نیند سوئی ہو وہ ان تین مہینوں
میں ایک پل سکون سے نہیں سو سکا تم سن رہی ہو نا مجھے مثال‘‘

وہ
اس کے دونوں ہاتھ تھامے گرمجوشی سے کہہ رہا تھا۔

وہ
آہستگی سے مسکرا کر سر ہلاتی ہے۔

 ’’کچھ کہو گی نہیں مثال‘‘
وہ اس کے ہاتھوں پہ پیار کی مہر ثبت کرتے ہوئے بولا۔

اُس
نے آہستگی سے نفی میں سر ہلا دیا اور واثق کے کندھے پر سر رکھ دیا۔

محبت
کی اس یقین دہانی کے بعد واثق کو مثال سے کچھ اور چاہئے بھی نہیں تھا۔ اس نے بھی
سکون سے آنکھیں موند لیں۔