Piya Na Sumjhe By Farheen Shah

پندرہ منٹ پہلے میں نے تم سے کہا تھا تم کمرے
میں آؤ۔۔۔۔ اور تم اب آئی ہو۔۔۔۔؟ اپنے عزیز کو خوب محبتوں سے رخصت کرنے کے
بعد۔۔۔؟ اور ذرا یہ بتانا۔۔۔۔ کب سے آ رہا ہے وہ یہاں۔۔۔۔؟ کب کب آتا ہے۔۔۔۔؟ وہ
تو دوسرے شہر رہتا ہے نا۔۔۔۔؟ پھر یہاں کیوں آیا تھا۔۔۔۔؟ کس لیے آیا تھا۔۔۔۔؟ اور
دیکھو تو۔۔۔۔ تحائف بھی لایا ہے وہ الو کا پٹھا۔۔۔۔ دکھاؤ کیا لایا ہے اپنی نامراد
محبت کے لیے۔۔۔۔؟ حلق کے بل چلاتے ہوئے وہ پل بھر کو تھما۔۔۔۔ بیگ جھپٹا۔۔۔۔ اندر جھانکا۔۔۔۔
شال برامد کی۔۔۔۔ اور پھر مختصر سا استہزایہ قہقہ لگا کر ہنس دیا۔۔۔۔ یہ۔۔۔۔؟ یہ
لایا ہے وہ غریب عاشق تمہارے لیے۔۔۔۔؟ یہ رخشندہ کو دے دینا۔۔۔۔ اس سے صفائی کیا
کریگی وہ کل سے۔۔۔۔ مسز زوار کبھی ایسی دو ٹکے کی چیز نہیں اوڑھے گی۔۔۔۔ زوار نے
شال گول مول کر کے دور پھینکی۔۔۔۔ ستارہ بیگم نے کتنے خلوص سے بھیجی تھی۔۔۔۔ علیشہ
کی آنکھیں بھر آئیں۔۔۔۔ ستارہ بیگم کسی رئیس گھرانے سے تعلق نہ رکھتی تھیں۔۔۔۔ وہ
جانتی تھی۔۔۔۔ گھر کے بجٹ سے خوب کانٹ چھانٹ کر کے یہ تحائف خریدے ہونگے انہوں
نے۔۔۔۔ اور زوار کہہ رہا تھا اس سے کل سے صفائی ہو گی۔۔۔۔؟ وہ تیزی سے آگے
بڑھی۔۔۔۔ زمین پہ گری شال اٹھائی۔۔۔۔ زوار کے آگ لگائی۔۔۔۔ چھونا مت اسے۔۔۔۔ اوڑھو
گی تو میں آگ لگا دونگا تمہیں اس دو ٹکے کی شال سمیت۔۔۔۔ اس سے شال چھین کر اس بار
زوار نے بالکونی سے باہر پھینک دی۔۔۔۔ دوبارہ کمرے میں آیا اور چیلنجنگ نظروں سے
اسے دیکھا۔۔۔۔ ضبط سے علیشہ کی مٹھیاں بھینچ گئیں۔۔۔۔ زوار اسے کچھ کہنے کا موقعہ
ہی نہیں دے رہا تھا۔۔۔۔ جب سے آیا تھا تابڑ توڑ حملے کیئے جا رہا تھا۔۔۔۔ تمہیں
میری بات سمجھ نہیں آ رہی۔۔۔۔؟ کہہ رہا ہوں نا مت ہاتھ لگاؤ۔۔۔ اور مجھے بتاؤ۔۔۔۔
مجھے بتاؤ کہ کب سے وہ یہاں آ رہا ہے۔۔۔۔؟ کیوں آتا ہے وہ یہاں۔۔۔۔؟ ارے۔۔۔۔ تم تو
خوبصورت بھی بہت ہو گئی ہو۔۔۔۔ قدرے متعجب انداز میں زوار نے اس کا جبڑا دبوچ کر
چہرہ دائیں بائیں گھما کر بغور اس کے ایک ایک نقش کو گھورا۔۔۔۔ شوہر سے اتنی طویل
جدائی سہنے والی عورت ایسی کھلی کھلی تو نہیں لگتی۔۔۔۔ لیکن تم تو پہلے سے اچھی لگ
رہی ہو۔۔۔۔ کیونکہ میرے پیٹھ پیچھے تمہارا وہ دیوانہ تھا نا۔۔۔۔ میری ذمہ داریاں
اچھی طرح نبھا رہا تھا۔۔۔۔ یہ رنگ روپ تو یہی بتاتا ہے۔۔۔۔ چٹاخ۔۔۔۔۔ زوار کی زبان
نجانے کب تک زہر اگلتی رہتی۔۔۔۔ علیشہ کا ضبط جواب دے گیا۔۔۔۔ اس کا ہاتھ اٹھا
تھا۔۔۔۔ زوار کی زبان تالوں سے لگ گئی۔۔۔۔ اپنے گال پر ہاتھ رکھے وہ بے یقینی سے
اسے گھور رہا تھا۔۔۔۔ وہ ہی کیا۔۔۔۔ خود علیشہ کا حال ایسا تھا کہ تن کاٹو تو لہو
نہیں۔۔۔۔ لٹھے کی مانند سفید چہرہ لیے۔۔۔۔ اپنا ہاتھ مٹھی کی صورت سینے لگائے وہ
یوں خوفزدہ سی۔۔۔۔ بے یقین سی۔۔۔۔ زوار کا چہرہ دیکھ رہی تھی جیسے تپھڑ اس نے زوار
کو نہیں زوار نے اسے مارا ہو۔۔۔۔ بے یقینی اور ضبط کے مارے زوار کا چہرہ اس وقت لگ
ہی اتنا بھیانک رہا تھا۔۔۔۔ علیشہ کو روح ساتھ چھوڑتی محسوس ہوئی۔۔۔۔ تم نے مجھے
تھپڑ مارا۔۔۔۔ پانچ منٹ بعد صدمے سے نکل کر وہ ہنوز بے یقینی لہجے میں بھرے پوچھنے
لگا۔۔۔۔ آآ۔۔۔۔ آپ نے۔۔۔۔ بات ہی۔۔۔۔ ایسی۔۔۔۔ شٹ اپ۔۔۔۔ وہ پوری قوت سے دہاڑا۔۔۔۔
پھر طمانچہ بھی دے مارا۔۔۔۔ علیشہ کی آنکھوں کے سامنے اندھیرا چھا گیا۔۔۔۔ اس سے
پہلے کہ وہ لہرا کر گرتی۔۔۔۔ زوار نے اسے بازو سے تھام کر دوبارہ اپنے مقابل کیا
اور اس کے دونوں بازوؤں میں اپنی آہنی انگلیاں گاڑ کر اسے زور دار جھٹکا دیا۔۔۔۔
علیشہ تو کسی بے جان کھلونے کی طرح اس کی پکڑ کے رحم و کرم پر تھی۔۔۔۔ یہاں زوار
اسے چھوڑتا۔۔۔۔ وہاں علیشہ زمین بوس ہو جاتی۔۔۔۔ نہ اس کے حواس درست تھے اور نہ
ٹانگوں میں اتنی جان رہی تھی کہ اپنا بوجھ سہار پاتی۔۔۔